تولاي هارون: أنا ناطرتك لأنو مابقدر عيش بلا حُب؟

لمَن قالت تولاي هارون: هالسنة مارح تلاقي حدا عم يستناك؟

سناك سوري – دمشق

وجهت الفنانة “تولاي هارون” رسالة لعيد الحب الذي يصادف يوم 14 شباط من كل عام، أكدت من خلالها أنها بانتظار قدومه، رغم أن الكثيرين سيغيبون عن هذا العيد.

“تولاي هارون” قالت في رسالتها للحُب عبر حسابها في “انستغرام”: «قديش يا “عيد الحب” رح تسجل غياب لناس كتيرة، ويمكن انت يا حُب بتزرع فرح، وسعادة، وأمل بس هالسنة مارح تقدر تساوي هالشي لأنو كتير ناس غابت ورح نسجلهن غياب».

وأضافت “هارون” في رسالتها التي أرفقتها مع صورة لها: «حابة قلك ياعيد الحب بس تشرف بيومك اللي كنا نستناه من زمان هالسنة مارح تلاقي حدا عم يستناك يمكن لأنو ماعاد تعرف الناس شو يعني حب نسيو هالكلمة ونسيو كيف يتعاملو معها».

«أنا ناطرتك لأني مابقدر عيش بلا حب وأمل وتفاؤل ببكرى»، تقول “هارون” في رسالتها وتختمها بنصيحة وجهتها إلى المتابعين وأصدقائها: «بحبكن ورح ضل بحبكن يارفقاتي وشعاري دائما حبو بعض قد مابتقدرو».

من الناحية المهنية، كشفت “هارون” مؤخراً، أنها اضطرت للاعتذار عن مسلسل “نسونجي بالحلال”، مرجعةً سبب ذلك إلى انشغالها بافتتاح مركزها الجديد في مجال التجميل، والموضة، والأزياء، وصعوبة السفر الناتجة عن انتشار وباء كورونا الذي منعها من السفر إلى “دولة الإمارات العربية المتحدة”، والمشاركة بالمسلسل.

تشارك “تولاي هارون” حالياً في أعمال تصوير الجزء الـ11 من المسلسل الدمشقي “باب الحارة”، من خلال تجسيدها لشخصية “زهور”، وفي الجزء الثاني من المسلسل الشامي “بروكار” بدور “الداية أم حسن”.